Гьикьван гафар лагьайт1ани,
Чун чахъ галаз кк1айт1ани,
Валай гъейри кас авач заз,
Рик1из к1ани - рик1 хайт1ани.
Гъамлу хьана экъвез жеда,
Ви ухшардихъ къекъвез жеда.
Рик1 садрани шад жедач зи,
Вун галачиз, лап пад жеда.
Гьа "ваъ" лугьуз йикъар физва,
Зи гафарал на шак гъизва.
Рик1ин къен зи виреривди,
Батмиш хьана, агаж жезва.
Ша вун килиг и зи рик1из,
Ава ч1улав ц1арар кхьиз
Япарани ви сесинин,
Верц1и ванер гьатна михьиз.
Эгер ваз зун к1ан тирт1а яр,
Акъуддачир на гьак1 йикъар.
"Кьве падна чил" хутахдай зун, Тежедайвал ви чанда хар.