Напэўна, ў лесе будзе баль -
Наўкол краса якая!
Пералiваецца крышталь -
На сонцы ярка ззяе!
Пуховых хустачак наткаў
Мароз мiнулай ноччу
I дрэвы, як мастак, убраў -
Чароўна i святочна!
Сурвэткi разлажыў па пнях,
Абрусы - па сцяжынках,
У камiзэльках на плячах
Пухнатыя ялiнкi.
Звiняць у казачнай цiшы
Бярозавыя косы:
Кранае ветрык ледзяшы -
I гук плыве дзiвосны!
Чакае баль празрысты лес,
Рыпiць мароз i марыць:
"Вось - вось зайграе паланез
I дрэвы будуць танчыць!!!"