8-ибил мартлис
Нушаб даим дурхъати
нешани, рузби, рурсби,
зайдик1аб х1ушаб ахъли
байрамла чархараби.
Саламбик1аб гьар савли
абулхъул нурла берх1и,
ванадеш-малх1ямдешли
дирц1ули тумазир х1и.
Шалабик1аб х1ушачи
дугели ц1уб арцла бац,
даршуси дунъяличир
кайзаб паргъатти баркь-бац.
Баракатла, лиг1матла
бираб кьумур гьарзали,
гьарбизла ва игъбарла
пигьала бирц1аб либх1ли.
Дигила нур дурт1ахъес
датаб урк1би разили,
г1ях1дешла гье делг1ахъес
дагьри калаб дагьарли.
Байрамла гьавли, х1ебли,
шаладираб хьулани,
гьарил барх1и ц1акьдираб
гьалмагъдешла х1ялани.