Гьава етмей токътагъандай тинишим,
Юрегиме шавла чачмай гюнешим.
Къайда къалды сююв савгъат, берекет,
Насип тапмакъ учун этген гьаракат.
Гючлю эди сюювюбюз аявлум,
Яшавума бир сен эдинг байлавлу.
Эсден тайма юрек къоймай гёзелим,
Башгъа булан яшав къурма тюзелип.
Жаным къыстай, гёзлерим де юмула,
Шо мюгьлетде сюлдюрюнгню оьбемен.
Гёзъяшларым тамакъ тюпге туюла,
Толкъун болуп ойлар ура тёбеме.