Заз на лагьай ширин гафар,
Дак1ан хьана къе.
Рик1ин къене къвазва марфар,
Къекъвез гьак1 рекье.
Вучиз на заз к1ан я лугьуз,
Алцурарна зун,
Гила хьана зун лап ялгъуз,
Ахкун тийиз вун.
Гьеч садрани тежер к1валах,
Жеда лугьумир.
Туьк1уьр ийиз, бегьемсуз мах,
Масагуз на сир.
Мад заз вагай зат1ни к1амач,
Я саламни гьич.
К1анивални квахьна, амач,
Я амач заз кич1.
Гила экъуьгъ, рахух жуваз,
Гар хьиз гьавада.
Цуьквер к1амп1ур къужахда кьаз,
Гьар са кьарада.
Амма рик1из к1ани ви цуьк,
Къижгъидач гьич ваз.
Цавай фидай уьмуьрдин нуьк1,
Жедач вавай кьаз.