Ачыкъ кёкге акъ булутлар арт-артындан сыйыша,
Акъ тюслерин къара тюсге алышдырып йылыша.
Сюювюмню булут басгъан алышдырып яшавум.
Гёзел тартып бегетгенде терезенгни шаршавун.
Акъ сакъаллар, тамазалар берген учун маслагьат,
Тек не пайда сююв сёнюп юрек гюйген аламат.
Къуймур гёзлер ярашгъандай, атынг елеп юрегим,
Сююв гьислер къуршагъанда бир сен эдинг герегим.
Муна гьали янгыз юрек насип ёлдан узулгъан,
Сюювюмню тюслерине тюрлю ойлар къурулгъан.
Насибиме яратгъандай ёлукъгъансан сен магъа,
Нечик болдунг бёлме гёзел узатгъан къолну сагъа.