Памаш кувар воктене
(Муро)
Памаш кувар воктене
Ший тылзе волгыдеш
Сар шушпык муро дене
Чонемже йонгалтеш.
Лач тыйым вученам мый,
Лач тыйым шоненам,
Пырля лияш, кумалын,
Юмым сорваленам.
Памаш кувар воктеке
Шум вургыжын лектам.
Вет тыйын кудынетше,
Танем, яндар улам.
Ал ужара эрвелне
Мемнан лумеш шочеш
Да саламлен, эр лайык
Мардежше пуалеш.
Памаш кувар воктене
Куэ парчам руза
Да пуйто мыланнаже
Пиалым тылана.
Ончал, эр чолга шудыр
Мемнан лумеш йолга –
Вет тиде пиал шудыр
Саламжым кучыкта.