Тарарин юкьваз ахмиш хьана рагъ,
Ахъаз тунва за ч1ехи пенжерар.
Им заз хъуьрезва, и анардин багъ,
Вунни зи патав гвачирла, зи яр.
На зун гекъигнай и багъдив т1арам
Йифди хилера рахадай билбил.
Ваз акурвал, чан, цуькведамач ам:
Жегьре анарда битмиш жезва цил.
Гила зулун багъ умун я йифиз,
(Билбилдихъ вичин хьанват1а хизан?).
Зунни, чи сир гвай, ахварал тефиз,
Вил алаз ава бегьердал таза.