Вахъ вил гала- аквазмач вун,
Шагьвар хьиз къекъвез.
К1вачера зи гьатнава ч1ун,
"Рик1 пад жез", экъвез.
Вилерал зи циф гьалтнава,
Шедай кьван михьиз.
Дуьньядикай вил ат1анва,
Гьик1 лугьуй рик1из?
Дердер хьана физва йикъар,
Экв такваз вилиз.
Серин хьанва квахьна ракъар,
Уьмуьрда мич1из.
Секин жезвач гила т1алар,
Амач мад захъ сес.
Лугьур кьван вахъ за манияр,
Кьуранва зи мез.25.май.
* * *
Вахъ вил тежер рик1 заз авач-
Агатнава ам.
Йисар фена, уьмуьр амач -
Агаж хьанва хам.
Кстахвилер жегьилвилин,
Рик1е тумир на.
Руг хьиз квахьда, кьурай чилин,
Ам гар галукьна.
И дуьньядал хев хайла ви,
Бес вучда за, лагь?
К1ани вуна зи рик1 хайи,
Кумач вил, ваАллагь.27.май.