Касни вилиз ахквадач зи,
Диде начагъ хьайила!
Мез билбил хьиз рахадач зи,
Диде начагъ хьайила!
Зи вилерал акьалтда мич1,
Рик1ик ч1ехи акатда кич1,
Затlни хъфич туьтуьнай гьич,
Диде начагъ хьайила!
Гегьенш дуьнья дар жеда заз,
Эхиз тежер кар жеда заз,
Дердерикай пар жеда заз,
Диде начагъ хьайила!
Са кар гъиляй хкведач зи,
Пер шадвилихъ элкъведач зи.
Ярдизни пlуз хъуьредач зи,
Диде начагъ хьайила!
Зарулвили кьада зи туьд,
Аквада заз мичlиз экуьд
Гатукай жед мекьи тир кьуьд,
Диде начагъ хьайила.
Зи ван хьурай, Я Ребби ваз,
Къуй дидеяр сагъ акуй чаз!!!