Зи вилерин къашарин нур алахьна,
Чигед кьуна ч1улав хтар какахьна.
Рик1ин хилер кьве пад хьана авахьна,
Ви гафариз, вучиз яр за яб ганач?
Рик1и талгьай гафар сивяй акъатна,
Рик1ин патар цал хьиз михьиз ацахьна.
Нефес, жигер зи ругьдивай къакъатна,
Вучиз, яр на, зи рик1из гьич яб ганач?
Уьмуьрдикай вун галачир вучда за,
Гьар са югъни, йифни галаз пучда за.
Гьикьван гуда жуван чандиз за жаза?
Завай гила, фана- дуьнья, эх жедач!
Жегьилзамаз ч1арар хьанва рехи зи,
Я дад кумач крарикни , к1валик жи.
Яш жедалди хьанва гила зун кьуьзуь,
Вучиз, яр вун, зи гъавурда акьадач?