Гьикьван вуна лагьайт1ани,
Ширин гафар заз.
Югъди, йифди рахайт1ани,
Ахъайдач рик1 ваз.
Экъвез тежез алк1айт1ани,
Акьалтна лап лаз.
Хурун къене ак1айт1ани,
Акъуд тежер цаз...
Къванци рагар храйт1ани,
Лугьуз жедач ваз.
Ракъунал вун чрайт1ани,
К1ани я вун заз!
Иви чанда къугъвайт1ани,
Нефес хуру кьаз.
Къизилрин к1ат1 авайт1ани,
Гудай за ваз наз.
Рик1ин дамар къурайт1ани,
Лугьуз жезвач ваз.
Мецен як1ар храйт1ани,
Кьейит1ани к1анз.
Девлетлу хан хьайит1ани,
Кьисмет авач чаз.
Умуд яз зун, квахьайт1ани,
Азаб тахьуй ваз..