Гьикьван рик1из т1арзава, вун аквар кьван,
Ваз ван къвезвач гьарайдайла рик1и зи.
Вилеравай гуьзгуьд хтар хьанва къван,
Кьуразва хьи дамардавай иви зи.
Атир квахьай цуьк хьиз ава, чиле зун,
Яд тагана, вахт жедалди кьуразвай.
Дамах кьуна къекъведайвал гила вун,
Амач рангар зи пешера, хразвай.
Вили цава, лув гузавай пехъери,
Экуь дуьнья кьунва чпин луварик.
Зи чандавай цацар галай векьери,
Кут1унзава рик1ин дамар ч1уларик.