Зи вилера гьатна такваз мич1ивал,
Экуь дунья циферик зи акатна..
Вучиз гьатна жегьилзамаз чанда т1ал?
Хкаж жезмач, зи ругь чилел аватна.
И дуьньядин ширинвал заз акунач,
Рик1и рик1 нез экуь дунья дар хьана.
Чандин фулди дуьнядикай дад ганач,
Пили хьтин дердерикай пар хьана.
Вуна залай гъил къачу я чан Аллагь!
Дарман авач и дуьньядал хъжедай.
Вуч тахсир я..вуч патал я ..вуна лагь,
Зи к1арабра са т1ал ава регъведай?