Гагь дакIваз ава зун, цавун цифер хьиз-
Тек са багьнадилай гьазур алахьиз,.
Гагь дердер агатда залум йифер хьиз,
Яраб вуч сир ятIа, вуч хьанватIа захъ?
Гагь жеда дамарра цуз гьатнавай хьиз,
Нефес агакь тийиз себеб авачиз,
Гагь тIемди мажбурда зун цIарар кхьиз,
Яраб вуч сир ятIа ,вуч хьанватIа захъ?
Гагь гьисда тандивай ругь катнавай хьиз,
Гагь жуван руьгьда са руьгь гьатнавай хьиз,
Гагь зи рикI шад жеда, гагь кватнавай хьиз
Яраб вуч сир ятIа ,вуч хьанватIа захъ?
Гагь рагар падда за цIайлапан хьана,
Гъамун дагъ чукIурда гуьллеяр гана,
Зун руьгьдай аватда,гагь лувар хана,
Яраб вуч сир ятIа ,вуч хьанватIа захъ?
Секиндиз уьмуьрдай , хьанайтIа залди,
Гьикьван чIавар я зун кьунва са тIалди-
Гьазур я чанни гуз тек сад паталди,
Яраб вуч сир ятIа ,вуч хьанватIа захъ?
30.09.2018.