Им вуч сир ятIа?

 
Чидач заз вуж я вун, гьинай атана,
Чидач заз гьикI вуна зи гьал кьатIана,
Саки са легьзеда кIелна къен рикIин ,
Жавабрихъ къекъвена :за вучин,гьикIин?

Гьикьванни верцIи я –гьар гафуна «чан»,
Чин тийиз, вун ятIа руьгьерин лукьман?
МичIери кьунвай мефтI,илгьам чукурна,
Зав къелем вахгана вуна мажбурна.

Лагьана вуна заз: жува жув хуьх гьа!
Вун заз виридалай багьа я ,багьа!
Алатай уьмуьрда яраб чи руьгьер
ХьанватIа лап мукьва, багърибур тегьер?

ТахьайтIа им вуч сир, ялавар галай,
Икьван кан жедани сифте йикъалай ?
Белки им ахвар я, белки ятIа мах,
ГьикI хьана зи кьилел ял хьана чахмах?

Белки вун- зи кьисмет, геже гьатнавай,
Белкини бахт я зи вилик катнавай?
Тавурай лугьуз зун дердери гьелек,
Белки вун цавари ракъурна,мелек?

                Б.А. 03.10.2018.