Гила низ за жуван дердер ахъайда,
Залай гъери ваз мад кIани яр авай?
Раханалди, кьил тIар тийин гьавайда,
Ан ви рик1е, гуьрчек рушан т1вар авай.
Гьикьван дерин гафар кхьиз алахъда,
Билбил хьиз вун, экуьн кьиляй рахазвай?
Зи дердерин акьадач вун чIалахъда,
Булах хьана, акъваз тийиз ргазвай.
Ви гьар са гаф тваз алахъна къуватда,
Вун бахтавар я кIани тир яр авай.
Чиллер -цавар квехъ ахварай аватда,
Тик гуьнедал акьахайла, гар авай.
Лугьуз тежез, вилер аваз накъвада,
Ашукь хьанваз, куьн кьвед санал акурла.
Гъил элкъуьриз, сумукь хьайи накьвада,
Гьарайзава, гафар рик1ей акьурла.
Ярдихъ вуна мани лугьур береда,
Агъур жез зи, рик1из пара т1арзавай.
Яваш - яваш гъавурда вун акьада,
Чандилайни, заз вунни гьак1 к1анзавай.