Ардякьун дуц1ли дусми
Гьанна гъал дус дикили.
Школализирти бурх1ни
Ардухиб заманали.
Бурт1ули парта цугли
Ца уржили итх1ели.
Дуира илкьяйдали
Школализир лерх1ели.
Х1ебагьурра жагьх1ели
Дусми аркьули диъни.
Къаршикайкира далли
Гъал дус дикили или.
Сабри нушала класслаб
Бег1ла жагати рурсби,
Ва уршби багьадурти
Ганна гьт1ира унхъти.
Гъал дус сари дикили
Школа таманбарили.
Дег1ла жагати дусми
Сар г1ямрули лушули.
Ах1ерти узби-рузби,
Гьаман къаршидиркена,
Урх1лисван майрудая
Къаршидикибх1ел х1уша.
Дусми аркьули хьалли
Кавлаба х1уша марли,
Ца уржили разили,
Мурталралис пахрули!