Ці даводзілась бачыць такое?
Быццам, ёлку хто крыху падняў...
Лось узнік, нібы сімвал спакою,
Прыгажун ціхамірны стаяў.
Адлюстрована веліч пароды,
Вобраз лося святло вылучаў.
Як узор беларускай прыроды,
Лес вакол у захапленні маўчаў.
Колькі сіл ёсць у волаце гэтым!
Ды разложыстасць моцных рагоў!
Ён стаяў, упрыгожвая лета,
Дэманструя – к жыццю я гатоў!
Нібы нейкая дзіўная цацка –
"Намалёваны" лося абрыс.
Праўда, дзіва ўзнікла знянацку –
Нечаканы прыродны сюрпрыз!
Вам даводзілась бачыць такое?
Калі не – то мне вельмі шкада.
Па шчацэ пацякло штось ракою,
Паспытала – то з соллю вада.
Ці даводзілась бачыць такое?
Быццам, ёлку хто крыху падняў.
Лось узнік, нібы сімвал спакою,
Прыгажун ціхамірны стаяў.