Няма непрыгожых жанчын,
Я цвёрда ўпэўнена ў гэтым,
І знойдзецца мноства прычын,
Напішуць аб гэтым паэты.
Няма непрыгожых жанчын,
А ёсць толькі хібы на свеце,
Бо мала я бачу мужчын,
Яны, як рэлікт на планеце.
Няма непрыгожых жанчын,
Але аж замнога няшчасных,
Такі ўжо завёўся пачын,
Вачэй вельмі многа загаслых.
Няма непрыгожых жанчын,
Але шмат жанчын не кахаўшых,
З нагодаю розных прычын
Цяпла нікаму не аддаўшых.
Няма непрыгожых жанчын,
Калі ў вочы сонейка свеціць.
І подых кахання магчым,
Калі нараджаюцца дзеці.
Няма непрыгожых жанчын –
Камусьцi яшчэ невядома?
У кожнай – прыгоства ажын,
Жаданне – "Чакай мяне дома..."
Няма непрыгожых жанчын,
У кожнай ёсць мора пястоты.
Дзе ж столькі знайсці нам мужчын,
Каб кожнай хапіла пяшчоты?
Няма непрыгожых жанчын...