К1елиз гафар ишезва зун явашдиз,
Чарад хьиз вун килигзава яргъарай.
Рик1ин къене авай гъвеч1и са къашдиз,
Аквазвач вун авахьзавай накъварай.
Вили цуьквер куьрс хьанва лап сачах хьиз,
Я дад кумач, я рик1 кумач, на гайи.
Гьикьван а вил килигзава масанриз,
Садрани мад элкъведач вахъ рик1 хайи.
К1андач заз ви ич1и гафар, к1анивал,
Рехи хьайи цlвелер рик1из аквазва.
Къене авай а къаш вуна хайивал,
Адан рукар зи чанда лап акьазва.
Масадбуруз гафар кхьиз жеда вун,
Абур гила фад аквазва залайни.
Гьа ик1 ва мад, къакъатунал къведа чун.
Мажбур жеда акъудиз вун рик1яйни.