Юрдарин кIалбар

         


Гьибгъразуз, узуз ккилигурайиси
Жигьил вахтнан жилгъйирна гъярар, нирар…
Дигиш дархьиди ами улихьганси,
Йиз кІваъра гъузнайи юрдарин кІалбар.

Ургур чвуччвун гъала-тарихдин гюмбет,
Гьарган гьялакди айи Рубас нирра,
Гъадабгъну саб терефназдира билет,
Гъюзра кказа багарихьди учвухьна.

Дябхъюр юкIвра, дахабгнайиб юрдарихъ,
Хъидрирчишра йисар хъайи гъюнарихъ,
Жигьилвалин вахтназ хъдакиза кьяляхъ,
Ярхлариан либгури уьмрин хябяхъ,

 Ибшри мюгьтал, узуз ккилибгурайи,
 Абгиза рякъ увура лицурайи…