Хьадан йишв

               


УкІу завуъ лампочкаси а кабхьну
Гергми ваз, гъирагъарихъди хядарра,
Буруздиин гуганара а дубсну,
Шлиз-вуш пашманди апІура дихарра…

Гъулаъ кІура: «Ужвлиз адар рабхури,
Гъулан кьялаз дуфна. Фу хабар шуйкІан?»
ГьацІишвар. Азуз сесерра ерхьури,
Яраб му чан мукьлан улдубккну айкІан?

Агурашул жакьвлира чан кІваъ айир,
Чан чІалниинди дихарра апІура...
Вушул, нагагь, жакьваригъ гъяйи шаир,
Хялишивди ахъли узухьна дуфна…