Набалугъ кIван гьисс

            


ЦIару дифариккан ккудубчIвруси ригъ,
Увкан вуйи хиял убчIвриз фикрариъ.
КIваин апIураза уву гъяркъю йигъ,
Мюгьюббатра, сабпи лигбахъан вуйи.

Гъубзнайиз кIваъ вари увухъди вуйиб:
Гьар гъапи гаф, гьарсаб лигуб, яв хатIра.
Шлихьан шуйи ачухъ апIуз кIваъ айиб?
Жин апIури шуйза дикIу цIарарра.

Гьарсаб шиъриъ увухьна вуй манишин,
Набалугъ кIваъ убчIву гьисснан марццишин,
Сикинсуз кIван ккудудукIру мяълийир,
Гьахъундарзуз увуз ухшаркьан вуйир…

ЦIару дифариккан ккудубчIвруси ригъ,
Увкан вуйи хиял убчIвриз фикрариъ…