Йишв. Сессузвал. А даахну хядарра,
Ялгъуз хядси а кабхьну йиз унчIв хулан,
Сикин духьна ахъли дагриъ гъюбарра,
Вузуз кьабул сюгьюрлувал му йишван.
Вузуз кьабул ислягь завна жил багъри,
МикIлу ккюбгъри айи яваш мяълира,
Ихтилатра, багахь хьади дуст дугъри,
Аьлхъюб капIру бицIивахтнан тIуларра…
Багьа вузуз сюгьюрлувал йишвандин,
Багьа вузуз кIван марццивал инсандин.
ЦIийи девриъ узуз рягьятди даршра,
Гъиврадарза, гьюдюхюри кьюб машра.