Гъул - гъала
Дагъ…хъана дагъ…швнуб саб
Жерге дагъларин,
Багъ…хъана багъ…балгура
Гъул дурари…
Хилин гагьниинси
Али таблиин,
Йиз гъул – гъала…
Гьар вахтна шулва кIваин…
Йиз абин хал. Узуз абццру
Гьарган хаб,
Дигиш даршлу табиаьт,
КIвазра мани,
Уву убхураза,
Убхруси китаб…
Мукьмарра а йивури
Жвилли мархьли…
Хьаюн чIилли леъфарси
А дифарра,
Илиркура дурари
Яв йирфарра…
ЦIарушнагъян кказабгура
Мани ригъ,
Майдин ваз ву. Гъулаъ ккебгъра
ЦIийи йигъ…