Ст1алривди сапфирдин къашар,
Пенжердилай гъуз авахьзава.
Хиялрик кваз гъвеч1и тир яшар,
Уьмуьрдай зи гьак1 акъатзава.
Гъвеч1и бере зи ватан- Ашар,
Вилерикай лап карагзава.
Чи мегьледин, къуншидин рушар,
Чун сад садавай къакъатзава.
Къанача там, къацу тир сурар,
Марфадивди фад- фад к1ват1зава.
К1валин къен чи, гьар са югъ сувар,
Рик1ин къеняй гьеч акъат1завач.
Ст1ун пеляй ц1антарар к1ват1из,
Сурух к1амун ван япараваз.
Хкаж жедай тик тир Парзадиз,
К1ула чувал, еке пар аваз.
Ширин ванцел нуьк1верин, за хъваз,
Суван булахдин яд къайидаз.
Рик1 шегьзава, Ватан зи такваз,
Лугьур гафар амат1ани заз.