***

Муькъер ава кlаникай яд физвачир,
Муькъер ава кьакьанравай,агъуз тир.
Муькъер ава арадай кьацl физвачир
Авсиятар мягькемардай са кlусни.

Муькъер ава рикl ахъайдай,руьгь гудай,
Муькъер ава,кичlе я ваз кам вегьиз.
Муькъер ава-муьгъ лугьуз ваз регъуьда,
Мугъни ава,чан гьайиф туш рам ийиз...

...Хейли чlав я заз ахварай аквазва
Са муьгъ-гуя кицlер ава кьве кьиле.
А кьиле зи стха я,зав акьазвач,
И кьиле зун-затlни къвезвач зи гъиляй.
20.01.2019 г.