ЭЗОП
СУЛ ВА МЕШЕБЕГИ
Хюрчабнарихьан гьебгнайи сулаз мешебеги Алахъну, думу чаз кюмек хьуз миннатар апIуру. Мешебегийи сулахьди чан гъазмайиъ гьитIибкIуз гъитру. ЦIиб вахтналан мина хъуркьу хюрчабнари мешебегийихьан, дугъаз сул гъябкънуш, гьерхру. Гьатгъу сесниинди «гъябкъюндариз» кIуру, хъа хиларихьди, думу наан жин дубхьнаш улупури, ишарйир апIури шулу. Амма хюрчабнар дугъан ишарйирин гъаври шулдар, хъа гафарихъ хъугъру; хюрчабнар гъягъяйиз ккилибгну, сул гъазмайиан удубчIвуру ва, мешебегийиз чIалра дарпи, гъябгъюру. Мешебегийи сулаз тягьнйир йивуз хъюгъру: чав му аьжалихьан гъюуьбхюнза, хъа миди чухсагъулкьан кIурадар, кIури. «Эгер яв кIуру гафарна яв хилари апIру уйинар сабдикан вуйиш, узу увуз чухсагъул пидийза»,- жаваб тувру сулу.
Гьаму басня, ужудар гафар кIури, угъраш ляхнар апIру инсанарикан ву.
ИлтIибкIур Э.Аьшурбегова