Такан я зун гила,такан я ваз гьикI!
«Кандадин» чкадал «лянет» хьанани ?
Амма на,азизди,агудда зав рикI,
Къужахда авазни са нин ятIани.
Белкини вун жеда лап са бахтавар,
Белки кьисметдава чешнедин хизан,
Амма зун патав гва юзуриз къавар,
Ви секин цавара хьана цIайлапан,
Белкини рикIериз эквер хкведа,
Ракъинин нур гьатда мад куь патара…
Белки зунни рекьер вилив хуьз жеда,
Кьуд патахъ чкIанвай руьгьдин къатара…
За жув рекьиз тадач дердер- гъамарив-
Алахъда фад ксуз-хиял авхариз!
Амма йифен кьулаз куьлуь камарив,
Явашдиз къведа зун мад ви ахвариз…