***

Ч1УЛАВ  ЦАЦУН  ВАЛ


Я гуьнедик квай ч1улав цацун вал,
Кирих цацарал наз - дамах ийиз.               
Къацу махпурдин  юкьвал - ч1улав хал,
Ч1улав хал хьунал  вун бегел я низ?

Бязи валар хьиз, ала вал цуьквер,-
К1алуб дуьгмедин, хъипи седеф хьтин.
Рик1из къайи я, гъидач вуна хъвер.
Терс менсебдив гвай хц1и гьанеф хьтин.

Чара авачирдаз бакар я  вун,
Ч1улав цацарин аламатвал чиз.
Туьк1уьрда вахъай регъелни – жугъун.
Саллунни багъдин саламатвал хуьз.

Як1вни кьуьк гваз эгеч1да вав кас.
Кьуькуьв ярхариз, як1вув пун ат1уз.
Тухудай улакьди, дак1анвиляй цаз,
Квех хьиз галч1урда вун гуьнедай т1уз.               

1989 й.               

Къейд:  садбуру и валуз «къараткен» лугьуда.