Ви гъилерихъ зи вил хьанва чан , диде,
Вун галачиз рик1 гьатзава зи к1еве.
Фейи вахтар зи къвез рик1ел хквезва,
Амма вун тек экрандай заз хъуьрезва.
Дагъустандихъ зи вил хьанва чан, диде,
Хайи хуьруьз хьанайт1а зун хкведай.
Атана вин мет1ерал кьил эцигна,
Хьрак чрай фу ашкъидив за недай.
Чи к1валихъ вил хьанава зи чан ,диде,
Рик1 акъатзва хайи хуьруьн цларихъ.
Хабар тахьуй гьич садазни дуьньядал,
Рик1 кузвайди хайи дидед гафарихъ.
Ви вилерихъ зи вил хьанва чан , диде
Гьар йифиз заз ахварай вун аквада.
"Мус хъфида" лугьуз , йикъар хцабиз,
Гардан кьуна, темен гуз ваз ц1рада.
Вил хьанва зи, рик1 кузава гъурбатда
Гьиниз,диде,лагь гьи патахъ зун катда?
Мус къекъведа Дагъустандин рекьерай,
Мус хкведа хуьруьз атай гелерай...