Икьван гуьрчек, мартдин юкъуз,
Дишегьлийрин язва сувар.
Мубаракрай вирибуруз-
Чан дидеяр, вахар, сусар!
Гьич садазни тахьуй гъамар,
Илгьамдин рик1 хьурай къене,
Гьардан чилел цуьквед рухар,
Женнетдин багъ хьурай к1вале.
Рик1ер вири ачух хьурай,
Ахъа хьурай куь суфраяр.
Ва гьар садан, бахт артухрай,
Душманрикай хуьй балаяр.
Ислягь хьурай, гьар садан к1вал,
Дидеярни чи сагъ хьурай.
Акъатрай куь чандавай т1ал,
Руьгьера нур, шадвал хьурай ...
9 мар 2014 г.