Гьик/ин, вучин гьикьван хьуй ик/
Са карни зи физвач, вилик.
Гьар ислен югъ я заз четин
Жезава зун, гьа къуз к/вачин.
Жагъуриз жув кьадай пеше
Амач къекъуьн тавур куьче.
Гьак/ акъатиз физва вахтар
Ингье, мад хьанва чаз, гатфар.
Кьил куьц/ена , къе зу тир сугъ
Гьик/ квадрин и ислендин югъ.
Гьич чин гузвач а йикъа заз
Амай йикъар кьарада тваз.
Ингье мад къе ислен юкъуз
Фенай к/енидав сир вугуз.
Алатна гьак/ , мад са гьафте
Жаваб; сивел эциг чефте.
Гьа и юкъуз мад фенай зун
Мурадни тир , начальник хьун.
Гьафтедилай ганай жаваб,
Чира жуваз гъиле кьаз къаб.
Мад хтана к/вализ жуван
дердиник кваз, ислен йикъан.
Нажахдив ягъдани адан кьил
Зи к/валахвар жедайвал къуьл.