Хаьттача сайга,
В1алла шеко йоацаш,
Аддар аз шоага,
Ма дош дац ер дуне
Да уллув воацаш.
Ма даьсса худда вахар
Даь оаз ца хозаш.
Ма сихха кеглургда вай
Даь хьехам боацаш.
Бахалба вай дай
Эзар шерашка.
Цар во ма гулда
Даьш бочадаьха
Вай ховха дегашта.
Х1ара дийнахь кхайка со
Везачу Даьлаг:
Раьз я со ла моллаг1а бала,
Амма лорвелахь са да
Г1айг1а т1аярах!
Ц1енача уйлашца
Деха аз: «Ва Даьла,
Фуннаг1 а хуле,
Сай даьх
Со ма яьккхалахь!»