Ма деза-кх хьо,маьлхан дуьне,
Лазро лаьцча а дерриг дег1,
Ма мерза ду-кх маьрша дуьне,
Мохь белахь а онда гехь.
Ма хала ду-кх хьоьх д1акъаста,
Охьа диллин дерриг г1улакх,
Ма атта дац г1айг1а хьаста,
Хаарца,хуьли хьайха т1улг.
Йишех-вешех къаста дезча,
Хьайн доьзалшна тухуш букъ,
Ваьхна х1усам йита езча,
Дера ду иза хала дукъ.
Маьлхан дуьне,маьрша дуьне,
Хьан хазаллех хьаьрча со,
Хено хумнаш гайта доьлча,
Б1аьрган дерриг керла го.
Ма хаза ду-кх маьлхан дуьне,
Ма зама ю-кх йоккхург вай,
Йишех-вешех марзо оьцуш,
Самукъдолуш доьзалх шайн.
P.s: Стих о том, как прекрасна наша жизнь, солнечный свет и все, что дорого сердцу, особенно в последние мгновения жизни. Перевод будет чуть позже.