Сэ сощ1э :щы1эщ мы дунейм жэнэтыр,
Ар адэ - анэ жьауэм ущыщ1этырщ.
Гукъеуэ уи1эр абы пщхьэщахынущ,
Е я ущиек1э гъуэгу пэж уагъэлъэгъунущ.
Сэ сощ1э :щы1эщ мы дунейм жэнэтыр,
Ар адэ-анэ жьауэм ущыщ1этырщ.
Анэм и 1ит1ым хуэму, т1эк1у хуэфагъуэу
Къыпхуегъэк1уатэ шхыныр, игу мызагъэу.
Сэ сощ1э :щы1эщ мы дунейм жэнэтыр,
Ар адэ-анэ жьауэм ущыщ1этырщ.
Уэ махуэ къэск1э къоджэм уигъэжейркъым,
Ауэ уи анэ куэщ1ым уэ ущыгужьейркъым.
Сэ сощ1э :щы1эщ мы дунейм жэнэтыр,
Ар адэ-анэ жьауэм ущыщ1этырщ.
Хэк1ып1э гуэр уимы1эу къыщыпщыхъуми,
Адэ ущием ар къыщыпхуигъуэтырщ.
Сэ сощ1э :щы1эщ мы дунейм жэнэтыр,
Ар адэ-анэ жьауэм ущыщ1этырщ.
Фэрыщ1агъ лъэпкъ хэмылъу уэ абыхэм
Гуф1эгъуэ уи1эр къызэрыбда1этырщ.
Уэ пщ1эрэ зэрыщы1эр а жэнэтыр?
Хъумэни зэрыхуейр ар упэщ1эту?
Нэхъыф1къэ зы гукъеуи уэ йомыту
Уи адэ-анэм пэжу уабгъэдэтым?
Дэ нобэ дуней дахэу дызытетым
Хуэвухуэ адэ-анэм я жэнэтыр.
Фемыуэ ягухэм, фахущыт нэхъ щабэу,
Зэрыхъук1э абы я гур хуэвгъэхуабэ.
Зэи иухкъым абы я гущ1эгъур,
Сыт хуэдэ щыуагъи къыпхуагъэгъур.
Тхьэм куэдрэ къытхуихъумэ ди жэнэтыр,
Жьы хъуа ди адэ-анэр анэмэтхэщ.
Ди адэ-анэхэ! Ди щабэхэ! Ди 1эф1хэ!
Дэнэ дунейк1э фэ фыщымы1ами,
Фэ зэи фремы1э бын бэ1ут1э1у,
Тыншыну фи псэр сытк1и сыфхуолъэ1у!