Ви гафарихъ къимет жеда,
Уьмуьрда вахъ гьуьрмет жеда,
Яшайиш ви "шуьрбет" жеда,
Ви жибинда пул хьайила!
Вун виридаз къведа герек,
Вун атайла тук1вада к1ек,
Бязибуруз вун жед Фелек,
Ви жибинда пул хьайила!
Ярар-дустар элкъвез жеда
Ви гуьгъуьна къекъвез жеда,
Вун хъуьрейла хъуьрез жеда
Ви жибинда пул хьайила!
Вакай мукьвад кьаз алахъда,
Ви рик;е вич тваз алахъда
Гуьгьуьлни тахаз алахъда,
Ви жибинда пул хьайила!
Къуьрен карчни жагъида ваз,
Цавай гъетер лап гъида ваз,
Жеда вакай хъсан рахаз,
Ви жибинда пул хьайила!
Тавуна гьич гафни жузун,
К;валахални кьабулда вун.
Дустни жеда течир "вун-зун"
Ви жибинда пул хьайила!