А.С.ПУШКИН
У ЛУКОМОРЬЯ ДУБ ЗЕЛЁНЫЙ...
(в переводе на табасаранский язык)
Гьюлин мандвихъ - мяхъюн чру гьар;
Гъизилин зунжур ал гьар`ин:
Йигъ ва йишв гату аьяндар
Либцура думу зунжриин;
Арччул жвурнаъ мяъли кIуру,
Гагул жвурнаъ махъв ктибтуру.
Душваъ либцура гьарин жин;
Балугъриш деъна цирклиин;
Дяряркъю нахшрарин шил ал
Рякъяриин мялум дару;
А пеълин ликар ккайи хал,
Я унчIвар, я раккнар алдру.
Сюгьри ацIна яркврар-дерйир;
Ахсрар ккивган, гъюру лепйир
Гьюлин ичIи кьириз гъумлу,
Ва хъирчну удучIвуру шт`ан
СумчIур эскер, шлусдар гьяйран,
Хъади чпин гьюлерин халу.
Душваъ шагьдин жигьил бали
Йисир апIура паччагь зур;
Завуъ дифрягъ халкьдин улихь,
Гъитри кьяляхъ гьюл ва яркур,
Фалчийихъ хъергна багьадур.
Гъумрал жанавар ву даягъ
Пашман шураз, дапIнай дустагъ;
Кафтар Гъари эънайи кьут
Либцури а чюлиъ яркьу.
Душваъ Кащей а, невс кьяни,
А урус рюгь ва Русьдин ниъ!
Душваъ узуз йиччв гьивунзуз;
Ва гъябкъюнзуз мяхъюн чру гьар;
Гьарикк деуриз ктитунзуз
Аьяндар гатди чан махъвар.
Табасаран чIалназ илтIибкIур Эльмира Аьшурбегова