Яраб нин яр ят1а вун къе,
Къашар авай туп1ал хьтин?
Мани лугьуз гьатиз рекье,
Хиял квахьна авай рик1е.
Икьван ч1агай гафар лугьуз,
Къекъвез къайи булахрихъ вун.
Шумудни са жигер на куз,
Амач ван сес, я ви рахун.
Рангунин шал вегьез кьамухъ,
Вун нихъ акьван ц1игел хьанва?
Инсаф амач мад зи хурухъ,
Хажалатри зи рик1 канва.
Вилив ат1уз, жезвач хьи зун,
Ц1ийи ярдин югъ атайла.
Садра кьванни шагьварди вун,
Юзурдат1а, цуьк ат1айла.
Нагъв хъит1кьиниз мич1и вилиз,
Цавун лишан гьатна чиле.
Муьсуьбатдин т1ал физ кьилиз,
Физва кьуна рик1ни гъиле.
Амач гила вилик вахтар,
Жедайт1ани, са яр жедай.
Гила гьардаз вичин къастар,
Гьай лагьайди, лап варз жедай.