ИЗ КНИГИ"ИГРА МЫСЛЕЙ"
Падзялюся я сакрэтам:
Зараз цяжка быць паэтам.
Сеў за стол, каб верш пісаць,
З чым жа "Снікерс" рыфмаваць?
А кансенсус?- гэта ж трэба,
Ты астанешся без хлеба -
Будзеш рыфму год шукаць,
Не захочаш нават спаць.
Ну а гэта слова "Марс"?
Тут завыеш як Джульбарс...
Слой таўшчэзны шакаладу,
Што ж купляй - даюць параду.
"Сцімарол" і дэвальвацыя,
Ліха на яе - інфляцыя...
Што рабіць - такі ўжо час -
Шлях не лёгкі на Парнас...
З кухні смачна поцягнула,
Жонка ласкава зірнула.
Пасвятлеў паэта твар,
Зноў у душы ўспыхнуў жар.
Прыемных палачкі дзве - "Твікс" -
Знайшлося нават слова "ікс",
Прыйшло на месца так удала,
У роце аж салодка стала.
Зноў мозг працуе, у рыфмах ходзіць,
Рука аловак шпарка водзіць,
Вось - прэзентацыя, менталітэт...
Дый жонка кліча на абед.