Рик1 акъатна ялавди куз физва зи..
Гьар гафуна иландин мез къекъвезва.
Жегьилзамаз чинай хьанва зун кьуьзуь...
К1арабра фул гьахьна зи чан регъвезва.
Завай жезмач лугьуз гила вун к1анда,
Зи руьгьди ам рик1е амаз кьат1зава.
Ви гафари кабаб ийиз зи чанда,
Яд элична зурзун гьак1а гьатзава...
Ваз к1анивал жедач гьализ дуьнья зав,
Зи гъавурда акьазвач вун садрани.
Сел какахьна цифед кьуна мич1и цав.
Кьуранва векь гьа зи михьи чандани.
Мад ацукьдач вилив хуьз вун йифелди,
Марфадикни, т1урфандик зун азар кьаз.
Рик1ин къеняй дерт акъудиз мецелди,
Хъуьт1уьн кьула, маргъалра зун аяз кьаз...
Ая гила тарифар на к1анидан,
Руьгь акъудна зи чандавай фейила...
Кук1ушдилай цуьквер к1ват1а на адан,
Са вахт къведа, чир жеда рик1 кайила...