НуцIа къирун гьудул къватIиве вакке,
Къаси зодоб моцIрол кутак бихьизе.
МоцI сверун свердулел цIвазбахъ балагьун,
Дур цIахIилал берал щвана рак1алде
Дунял роцIцIунилан дие цIар гьечIо,
ЦIер гIадин гIадамал данде чIчIун руго.
Рии бачIаниги дий хасел буго,
Дир гьинал рекIеде саву ккун буго.
БагIар бакъул чIорал къалъананиги,
Дир гIаданиб жаниб гIанси чIчIун буго.
Къаси бецIлъи лъугIун къад къо щваниги,
Дир беразда канлъи бихьулеб гьечIо.