Сен саялы тувгъан эдим дюньягъа,
Сенсиз магъа шавласыз гюнеш яна.
Ойларымны толкъуну денгиз ягъа,
Дертлеримни чечмеге ёлдаш ана.
Ойлашмайлын терс басгъан абатланы,
Уртламагъа герекдир азапларын.
Гьёкюнген де хапсакъ да бармакъланы.
Алышынмас бизге яшав гьаллары.
Гюл чечеги болуп энни оьзгени.
Сюймесенг де къуймурлатдынг гёзлеринг.
Ютуп энни гёзъяш булан сёзюнгню,
Мен гечсем де, гечермусан оьзюнгню?