Божа, страшна гэта нават чуць:
Вёскі полымем, як макавыя кветкі,
Прысак хат і жыццяў - уваччу,
І маленькія анёлкі побач... Дзеткі...
Душы іх нявінныя цяпер
У нябёсах, даўшы назвы новым зоркам,
Льюць святло на родны кут, дзе звер
Садкаўшчыну сцёр, Хатынь, ЛітАвец, Боркі...
"Дзірлевангер" - смерці батальён,
Крокі жудаслівых " Герман-аперацый"
На зямельцы, дзе жылі здавён...
Толькі дзеткам там ужо не нараджацца.
Новае стагоддзе, а баліць...
І раса слязамі коціцца на травы.
Божа, літасцівы, ну калі
Знікне ў свеце гэты боль і бой крывавы?!
22.06.2019 Ядвіга Доўнар(Кур'яновіч)
Садкаўшчына, Хатынь, Літавец, Боркі - вёскі Мінскай вобласці,спаленыя
карнымі брыгадамі. Батальён СС "Дзірлевангер" дзейнічаў у Мінскай вобласці. У Хатыні было спалена 149 чалавек,з іх 75 дзяцей. Вёскі з назвамі Боркі былі таксама ў Гомельскай, Брэсцкай і Магілёўскай абласцях, дзе было знішчана вялікая колькасць жыхароў разам з дзецьмі.
Хатынь была сцёрта з твару зямлі 22 сакавіка 1943 года.