САФАРИ КОРИИ ЛАК
(Xаjвия)
Ба рафиќону hамкоронам ноhияи Аштро
чунон бисёр таърифу тавсиф намуда,
онро зеботарин гўшаи Тоjикистони
биhиштмонанд тасвир кардаам,
ки овозаи он ба гўши Лаку Пак низ расидааст.
Пак баъди сазовор гусел кардани Соли кўhнаву ботантана пешвоз гирифтани Соли нав ба кор шурўъ намуда, дарhол мувофиќи наќшаи кории аввал ба ноhияи Ашт сафари кории ба назар гирифташударо ёд оварда, ба Лак фармудааст, ки омодаи сафари якчандрўза гардад. Пас аз муайян намудани супоришhо Пак ба Лак, аз jумла фармудааст, ки агар таърифу тавсифhои Абдуќаюми Муhаммадjон воќеї бошанд, ба ў занг занад, то ин ки вай низ ба Ашт рафта, аз зебоиhои табиату рўзгори хуш ва осудаи мардуми ин гўшаи биhиштмонанди кишвар лаззат барад…
Лак пагоhии барваќт ба роh баромадааст. Вале худи hамон рўз пас аз пешин чунон рўhафтодаву хастаhол ба коргоh баргаштааст, ки гўё солиёни зиёд бе рўзи истироhату рухсатии меhнатї шабу рўз заhмати миёншикан кашида бошад…
Шеър
Чун иди арча гузашт,
Лак бишуд озими Ашт.
То ними роh норафта,
Дилгир шуду аз роh гашт,
Яъне сафари корї
Тамом шуд миёни дашт…
Роhи Ашт буд бас хароб,
Мусофирон дилкабоб,
Мардуми бечорааш
Ранj мекашиду азоб.
Орзу мекард, то рўзе
Аќаллан ягон арбоб
Ѓами таъмир низ хўрад,
Охир, ин корест савоб.
Бошад, ки чун дар пешин
Шахсони болонишин
Ба Ашт «Чип» -савор нею
Раванд бо дигар мошин –
Бо «Газел» - и шалаќе
Ё «Тангем» -чаhои Чин…
Чун Лак корхона омад,
Бо уффу куфф даромад,
Xоли зори ў дида,
Аз чашми Пак сел омад.
Аз ќиссааш огоh шуд,
Бишнуду бас hайрон шуд:
«Аjабо, hар сол чанд пул
Сарфи роhи вайрон шуд?»
20.04.2011