Вилера зи гьатна гуьзгуьдин са нур,
Гъилер зурзаз кхьиз жезмач вакай мад...
Виридакай и дуьньядал яр яз кьур,
Вавай хьанач ийиз зи рик1 къени шад...
Гьар юкъуз а ви амалар заз акваз,
Дили хьана къекъвезва и дуньядал...
Вуч паталди акунай вун, я яр заз?
Ви экъвенвай гелерай физ хиялдал...
За ваз авур сирерикай, хьана сел,
Вун гьахьна зи рик1ин гьар са жалгъада.
Вуч паталди ийида за дамах, квел..?
Амачирла са гафни чи арада ...
Цуьквер кьурай тар хьиз ава гила зун. ..
Вахъ вил галаз, битмиш хьайи са багъда..
Гьак1 сад садахъ элкъуьн тийиз фида чун,
Гьейран хьана гъвеч1и тир са уьмуьрда...