Хтул
Вучиз сефил я диде ви гуьгьуьл
Вуч хьанва мад вахъ , т/азвани ви кьил
Ви кьилин дарман чизвайди я заз
Вини кьац/алай гъида ам за ваз.
Баде
Ваъ , ваъ чан зи руш туш ам са хата
Ша зин къужахдиз зи хтул-бала.
Алайвиляй циф белки къенин къал,
Са т/имил сефил хьанва жед зи гьал.
Хтул
Ак/ ят/а акъваз вилив хуьх на зу
Исятда гъида за ваз ч/емни -фу
Неда зани на гьа чаз чидайвал
Алатда ахпа тадиз кьилин т/ал.
Баде
Ша фин столдихъ чи хзан галай
Гьикьван хуш я заз хъваз вахъ галаз чай
Иштягь зайиф я ви дидедин къе
Мад къалабулух гьатнава рик/е.
Хтул
Ааааа чида чида делил я заз чиз
К/анзава мад ваз куь к/вализ хъфиз.
И дуьньядавай к/валерлай вири
На лагьай тир ам, к/вал я ваз к/ени.
Дагъларавай к/вал ви хайи шегьер
Шикилрай на заз къалурай иер
Зазни хуш хьанай къвалахъ галай гьуьл
Гьаниз хъфейт/а т/а жедач ви кьил.
Ам види я кьван а шегьер рехи
Заз чизва к/вални вун ч/ехи хьайи
Чида диде заз , вуна дуьз лагь ман
Гьа к/вале кьац/ал алани дарман?
20.05.2016.
Г. Мисриханова.