(Гуржий йиlига, Тамарийна,
хетадаь ага илли)*
Оли-боли, Тамрико,
Хоза кхелла берилг хьо.
Ираз долаш хийла хьо.
Дог гIоздаьнна Iеш да тхо.
Оли-боли, тха йиIиг,
БIарг белабу тха зизилг,
ТIехьа вийха итт вошилг,
Ена хийла хьо йишилг.
Оли-боли, Тамрико,
Гуржийчена сердал хьо –
Паччахь цIерагI йоI я хьо.
Хьоха доаккхал деш да тхо.
Оли-боли, Тамрико,
Даха кхелла берилг хьо.
Ираз долаш хийла хьо.
Дог гIоздаьнна Iеш да тхо.
05.08.2019.
---------------------
*Илли яздаьд тха гуржий йишас Бежиташвили Марема Тамара аьнна цIи тилла хьалхара бер – йоI - яр дездеш.