Ви ашкъиди зун алугнай,
Килигайла ви вилериз.
За бахтунихъ геж галтугнай.
Вил ягъиз тек ви гелериз.
Садазни ван текъведайла,
Лугьуз хьанай за манияр.
Гила мад вахъ къекъведайла,
Яргъалай ц1ай къалуз канай.
Яраб эхир гьик1 жедат1а,
Руьгьер кьванни сад жедат1а?
Эч1ей тавур ник жедат1а,
Я чи рекьер кьат1 жедат1а?
Экъеч1да зун шегьре рекьиз,
Уьмуьр к1андач вун галачир.
Кьуьзуь хьана к1андач рекьиз,
Пад хьуй рик1ни вун галачир.